uppbygging ferðamannastaða og samgöngukerfis.

Virðulegur forseti. Það blasir auðvitað við öllum að ríkisstjórnin nær ekki utan um þetta verkefni. Það getur vel verið að til sé langur listi yfir aðgerðir sem hæstv. iðnaðar- og viðskiptaráðherra hefur gert, en þær duga ekki til og það sjá allir. Það er skortur á uppbyggingu í samgöngumálum, það er skortur á að tryggja sveitarstjórnum og ferðamannastöðum nauðsynlegt fjármagn til að byggja upp, það er skortur á lagalegri umgjörð heimagistingar og svo framvegis. Ekkert af þessu hefur verið leyst í tíð núverandi ríkisstjórnar og ekki er í augsýn að það verði gert. Það birtist hér alger skortur á langtímahugsun, að menn plani fram í tímann og geri áætlanir. Allt sem hefur verið gert í þessum efnum hefur verið fólgið í því að skammta þessum málaflokki fjármagn á fjáraukalögum. Það gengur ekki. Það gengur ekki, hæstv. forsætisráðherra, að fara eftir einhverjum gömlum áætlunum frá Guðjóni Samúelssyni í þessum efnum.