Framhald umræðu um frumvarp til vatnalaga.
Forseti vill af þessu gefna tilefni segja að hann hefur ítrekað svarað spurningum hv. þingmanna og forseti hefur ítrekað haldið fundi með formönnum þingflokka og boðið fram samninga um málsmeðferð í þessu máli. Þeim tilboðum hefur einfaldlega öllum verið hafnað. (Gripið fram í.) Við svona kringumstæður hefur forseti ekki neitt annað ráð en að halda áfram fundum á Alþingi. Forseti vill taka það skýrt fram við hv. þingmann að honum finnst ekki rétt að blanda saman umræðum um fjölskyldustefnu eða fjölskyldumál við þingskapareglur hér á hinu háa Alþingi.