144. löggjafarþing — 85. fundur, 25. mars 2015.
alþjóðleg þróunarsamvinna Íslands o.fl.
579. mál
Virðulegi forseti. Ég held að hv. þingmaður hafi orðað þetta alveg rétt. Nú er möguleiki á því að skera niður til þróunarsamvinnunnar í kyrrþey, nákvæmlega eins og hann sagði. Ég held því að það eigi ekki að nefna þetta frumvarp til laga um breytingu á lögum um alþjóðlega þróunarsamvinnu Íslands heldur tillögu 23 í hagræðingartillögum stjórnarhóps ríkisstjórnarinnar, hagræðingartillögum hv. þingmanna Vigdísar Hauksdóttur og Guðlaugs Þórs Þórðarsonar.