Vatnalög.
Hæstv. forseti. Þessi lagasetning sem nú á að fara að standa að, er ótímabær eins og að henni hefur verið staðið. Það hefði verið hægt að komast hjá hinum löngu deilum sem staðið hafa á Alþingi dögum saman.
Nú hefur verið gert samkomulag um frestun á gildistöku laganna til 1. nóvember 2007. Verði ekki fundin sátt í málinu mun þjóðin fá að taka afstöðu til málsins í alþingiskosningum vorið 2007.
Þingmenn Frjálslynda flokksins munu greiða atkvæði gegn frumvarpinu. Greiða atkvæði með frávísunartillögu og sitja síðan hjá við frestun gildistökuákvæðanna sem við gerðum samkomulag um.