vörugjald og tollalög.
Virðulegi forseti. Ég þakka hv. þm. Helga Hjörvar fyrir framsögu hans með nefndaráliti meiri hlutans.
Það sem ég mundi vilja spyrja hv. þingmann varðar það sem kemur fram í nefndarálitinu og raunar líka í nefndarálitinu frá þeim tíma þegar þetta mál var samþykkt. Er hv. þingmaður enn þeirrar skoðunar að það markmið sem frumvarpið var lagt fram með á sínum tíma, um að draga úr neyslu á sykri eða sætuefni, muni ekki nást þrátt fyrir að verið sé að undanskilja hunang frá þessu vörugjaldi?