139. löggjafarþing — 93. fundur, 15. mars 2011.
útflutningur hrossa.
433. mál
Herra forseti. Ég taldi að ég gæti slappað af þegar ég var búinn að ræða um Íbúðalánasjóð og þær álögur sem hann leggur á skattgreiðendur, en þá er hér flutt frumvarp um útflutning hrossa og jafnvel þar, herra forseti, er verið að hækka gjöld, verið að skattleggja. Það er ekkert heilagt og ekkert látið í friði, ekki einu sinni blessaðar skepnurnar sem er verið að flytja til útlanda og koma aldrei aftur til Íslands. (Gripið fram í: Þau vilja þetta sjálf.)