afstaða ráðherra til skattaskjóla og afsökunarbeiðni.
Herra forseti. Eftir sláandi fréttir á sunnudagskvöldið af notkun stjórnmálamanna á skattaskjólum þá voru það þeir fjölmörgu sem mótmæltu og kröfðust kosninga strax sem björguðu ásýnd Íslands og Íslendinga í augum umheimsins.
Það sem gerðist síðan í framhaldinu dró ásýndina aftur niður. Í stað þess að stíga frá, öll ríkisstjórnin, og leyfa þjóðinni að velja sér nýja er gerð andlitslyfting. Forsætisráðherra skipt út fyrir sjávarútvegs- og landbúnaðarráðherra. Varaformaður Framsóknarflokksins kemur í staðinn fyrir formanninn og ekkert annað.
Íslenska ríkisstjórnin er með fjármála- og efnahagsráðherra sem hefur nýtt sér skattaskjól. (Forseti hringir.) Þetta getur ekki gengið.