áætlun um vernd og orkunýtingu landsvæða.
Virðulegi forseti. Klukkan er rétt að verða 11 og ég velti fyrir mér hversu lengi enn forseti ætlar að halda þessum þingfundi áfram. Það er langur dagur fram undan á morgun og fyrir liggur mikilvæg umræða. Stjórnskipunar- og eftirlitsnefnd og efnahags- og viðskiptanefnd mæta á nefndarfund korter yfir átta til að fara yfir nýframlagða rannsóknarskýrslu um sparisjóðina. Í framhaldi af þeirri umfjöllun verður umræða í þinginu í eina fimm klukkutíma samkvæmt áætlun.
Ég spyr því virðulegan forseta hversu lengi hann hyggist halda þessum þingfundi áfram í ljósi þessa og ekki síður í ljósi þess að við höfum fundað hér fram á kvöld undanfarið. Hvaða áform eru uppi hjá hæstv. forseta?