Sveitarstjórnarlög.
Helgi Hjörvar (Sf) (andsvar):
Virðulegur forseti. Þó að hæstv. félagsmálaráðherra vilji fáu slá föstu var á honum að skilja að hann teldi fjárhag margra sveitarfélaga þannig að þau gætu ekki boðið íbúum sínum upp á gjaldfrjálsan leikskóla.
Við hljótum þess vegna að spyrja hæstv. félagsmálaráðherra hvort hann telji það viðunandi að aðeins börn í Reykjavík og betur stæðum sveitarfélögum muni njóta gjaldfrjáls leikskóla. Eða vill hann sem félagsmálaráðherra gefa út þá yfirlýsingu að hann muni beita sér fyrir því að í sameiginlegu átaki ríkis og sveitarfélaga verði öllum sveitarfélögum gert kleift að veita börnunum slíka þjónustu?