150. löggjafarþing — 99. fundur, 6. maí 2020.
utanríkisþjónusta Íslands.
716. mál
Virðulegur forseti. Ég þakka hv. þm. Gunnari Braga Sveinssyni fyrir ræðuna. Ég var að reyna að skilja af orðum hv. þingmanns, út frá gagnrýni hans á 4. gr. frumvarpsins, hver afstaða hans er til þess sem ég tel vera stærstu jákvæðu breytingu við þetta frumvarp, sem er að koma á auglýsingaskyldu um sendiherraembætti. Ég vildi því spyrja hv. þingmann hvort hann telji það til bóta að nú sé almennt skylt að auglýsa sendiherraembætti samkvæmt almennum reglum.