2. fundur
fjárlaganefndar á 142. löggjafarþingi
haldinn í Austurstræti 8–10, miðvikudaginn 19. júní 2013 kl. 09:05

Mættir:

Vigdís Hauksdóttir (VigH) formaður, kl. 09:05
Oddný G. Harðardóttir (OH) 2. varaformaður, kl. 09:05
Ásmundur Einar Daðason (ÁsmD), kl. 09:25
Bjarkey Gunnarsdóttir (BjG), kl. 09:05
Brynhildur Pétursdóttir (BP), kl. 09:05
Haraldur Benediktsson (HarB), kl. 09:05
Helgi Hrafn Gunnarsson (HHG), kl. 09:05
Karl Garðarsson (KG), kl. 09:05
Sigríður Á. Andersen (SÁA), kl. 09:05
Valgerður Gunnarsdóttir (ValG), kl. 09:05

Nefndarritarar:
Jón Magnússon
Ólafur Elfar Sigurðsson

Bókað:

Ríkisendurskoðun: Sveinn Arason, Ingi K. Magnússon og Jón Loftur Björnsson. Ríkisendurskoðandi kynnti starfsemi stofnunarinnar. Farið var yfir samskipti fjárlaganefndar og Ríkisendurskoðunar.
Lögð fram kynning á starfsemi Ríkisendurskoðunar og ársskýrsla fyrir árið 2012.

Fjármála- og efnahagsráðuneyti: Ingþór Karl Eiríksson og Björn Þór Hermannsson. Farið var yfir minnisblað fjármála- og efnahagsráðuneytisins, dags. 14. júní 2013, um framkvæmd fjárlaga fyrstu fjóra mánuði ársins 2013.
Lagt fram minnisblað fjármála- og efnahagsráðuneytisins, dags. 19. júní 2013, sem sýnir bráðabirgðauppgör ríkissjóðs fyrir árið 2012 og samanburð við áætlun sama ár.

Formaður óskaði eftir að fjármála- og efnahagsráðuneytið sendi fjárlaganefnd afrit af þeim skriflegu reglum sem gilda um úthlutun úr óvissusjóði fjárlaga.

Ákveðið var að boða fjármála- og efnahagsráðherra á fund nefndarinnar.

Oddný Harðardóttir bókar eftirfarandi: Með þessari bókun er því harðlega mótmælt að beiðni minni um fund í fjárlaganefnd í kjölfar blaðamannafundar um stöðu ríkisfjármála sem forsvarsmenn ríkisstjórnarinnar héldu miðvikudaginn 12. júní hafi verið hafnað. Það er óásættanlegt að nefndarmenn fái ekki kynningu á stöðunni fyrr en viku eftir að blaðamenn fá þá kynningu. Augljóst er að með því er kjörnum fulltrúum haldið utan við upplýsta umræðu um málið. Auk þess var aðeins farið yfir veikleika á gjaldahlið á fundinum 19. júní en í fundarbeiðni minni kom fram skýr ósk um að farið yrði yfir stöðu ríkisfjármála og fjallað bæði um gjöld og tekjur. Þessum vinnubrögðum meiri hluta fjárlaganefndar er mótmælt og þess vænst að þau verði vandaðri héðan í frá með áherslu á samráð og samvinnu nefndarmanna.
Oddný G. Harðardóttir, þingmaður Samfylkingarinnar.

Rætt var um starfið fram undan. Fleira var ekki gert.

Fundargerðin var lögð fram og samþykkt af Bjarkeyju Gunnarsdóttur, Brynhildi Pétursdóttur, Haraldi Benediktssyni, Helga H. Gunnarssyni, Karli Garðarssyni, Sigríði Á. Andersen, Valgerði Gunnarsdóttur, Vigdísi Hauksdóttur, Oddnýju G. Harðardóttur og Ásmundi Einari Daðasyni.

Fundi slitið kl. 12:05