16. fundur
stjórnskipunar- og eftirlitsnefndar á 154. löggjafarþingi
haldinn í Austurstræti 8-10, mánudaginn 20. nóvember 2023 kl. 09:22

Mætt:

Þórunn Sveinbjarnardóttir (ÞSv) formaður, kl. 09:22
Steinunn Þóra Árnadóttir (SÞÁ) 1. varaformaður, kl. 09:22
Ásthildur Lóa Þórsdóttir (ÁLÞ), kl. 09:22
Berglind Harpa Svavarsdóttir (BHS), kl. 09:22
Hildur Sverrisdóttir (HildS), kl. 10:02
Þórhildur Sunna Ævarsdóttir (ÞSÆ), kl. 10:16

Ágúst Bjarni Garðarsson og Sigmar Guðmundsson voru fjarverandi.

Nefndarritari: Björn Freyr Björnsson

Hlé var gert á fundi milli kl. 10:03 - 10:05.

Bókað:

Fundargerð 15. fundar var samþykkt.

Nefndin fjallaði um málið og fékk á sinn fund Hrönn Ólínu Jörundsdóttur forstjóra og Viktor S. Pálsson frá Matvælastofnun.

Nefndin fjallaði um málið og fékk á sinn fund Þórunni Pálínu Jónsdóttur og Önnu Lúðvíksdóttur frá Amnesty International og Trausta Fannar Valsson og Hafstein Þór Hauksson.

Nefndin kannaði tilkynningu landskjörstjórnar um kosningu og kjörgengi Rögnu Sigurðardóttur, sem hlaut kosningu sem 3. varaþingmaður á lista Samfylkingarinnar - jafnaðarmannaflokks Íslands í Reykjavíkurkjördæmi norður í alþingiskosningunum 25. september 2021. Tilkynningin var gefin út í samræmi við 113. gr. kosningalaga, nr. 112/2021. Ekki voru gerðar athugasemdir við tilkynninguna og var nefndin einhuga um að mæla með staðfestingu kosningar Rögnu Sigurðardóttur.

Þórhildur Sunna Ævarsdóttir lagði til að haldinn yrði opinn fundur með þáverandi fjármála- og efnahagsráðherra til að fara yfir þau gögn sem vörðuðu stöðu og hlutverk Bankasýslu ríkisins og lágu fyrir við undirbúning að sölu á hlut ríkisins í Íslandsbanka 22. mars 2022. Ásthildur Lóa Þórsdóttir og Þórunn Sveinbjarnardóttir tóku undir tillöguna. Var það samþykkt.

Fleira var ekki gert.

Fundi slitið kl. 10:54