Íþróttalög
111. mál á 141. löggjafarþingi.
Mennta- og menningarmálaráðherra.
Markmið
Markmið frumvarpsins er að efla lyfjaeftirlit og lögfesta alþjóðaskuldbindingar ríkisins á sviði lyfjaeftirlits í íþróttum.
Helstu breytingar og nýjungar
Lagt er til að ráðherra geti falið þar til bærum aðila framkvæmd lyfjaeftirlits í íþróttum með þjónustusamningi sem uppfylli tiltekin skilyrði til allt að fimm ára í senn. Kveðið er á um heimild ráðherra til að setja gjaldskrá vegna lyfjaeftirlitsins og annarrar þjónustu sem veitt er á grundvelli samnings um framkvæmd lyfjaeftirlits.
Breytingar á lögum og tengd mál
Íþróttalög nr. 64/1998.
- Endurflutt: íþróttalög, 753. mál (mennta- og menningarmálaráðherra) á 140. þingi (31.03.2012)
Kostnaður og tekjur
Ekki er talið að samþykkt frumvarpsins hafi í för með sér aukin útgjöld fyrir ríkissjóð.
Umsagnir (helstu atriði)
Í þeim umsögnum sem bárust var einkum lögð áhersla á að tryggja yrði fé til lyfjaeftirlitsins.
Afgreiðsla
Allsherjar- og menntamálanefnd lagði fram nefndarálit með breytingartillögu þar sem lagt er til að gildistöku laganna verði frestað til 1. mars 2013, auk breytinga sem miða að því að fé til eftirlitsins sé tryggt. Breytingartillagan var samþykkt og varð frumvarpið að lögum svo breytt.
Aðrar upplýsingar
WADA
ÍSÍ - Alþjóðalyfjareglurnar
Anti-Doping Convention
Evrópusamningur gegn misnotkun lyfja í íþróttum C 6/1991.
Auglýsing um viðbótarbókun við samning gegn misnotkun lyfja í íþróttum C 20/2004.