Samantekt um þingmál

Skiptileigusamningar fyrir afnot af húsnæði í orlofi eða frístundum o.fl.

150. mál á 141. löggjafarþingi.
Innanríkisráðherra.

Markmið

Að innleiða í íslenskan rétt ákvæði tilskipunar Evrópuþingsins og ráðsins,  2008/122/EB, frá 14. janúar 2009, um neytendavernd að því er varðar tiltekna þætti skiptileigusamninga, samninga um orlofskosti til langs tíma, endursölu- og skiptasamninga.

Helstu breytingar og nýjungar

Með tilskipuninni er neytendavernd aukin og neytendur njóta rýmri réttar til að falla frá samningi. Tilskipunin kveður einnig á um fulla samræmingu reglna á Evrópska efnahagssvæðinu. Það þýðir að einstök ríki geta ekki sett reglur sem ganga lengra eða skemur en segir í tilskipuninni. Neytendur jafnt sem seljendur geta gengið að því vísu að reglur landanna séu að öllu leyti þær sömu.

Breytingar á lögum og tengd mál

Verði frumvarpið að lögum falla úr gildi lög um gerð samninga um hlutdeild í afnotarétti orlofshúsnæðis, nr. 23/1997.

Kostnaður og tekjur

Gert er ráð fyrir að kynningarkostnaður geti numið allt að 1 milljón kr.

Umsagnir (helstu atriði)

Tvær umsagnir bárust. Í annarri þeirra voru lagðar til orðalagsbreytingar og gerðar tillögur um viðbótarákvæði.

Afgreiðsla

Frumvarpið var afgreitt úr nefnd til 2. umræðu.

Aðrar upplýsingar

Löggjöf á Norðurlöndunum

Danmörk
Lov om forbrugeraftaler om brugsret til logi på timesharebasis, længerevarende ferieprodukter m.v. Lov nr 102 af 15/02/2011.

Svíþjóð
Lag (2011:914) om konsumentskydd vid avtal om tidsdelat boende eller långfristig semesterprodukt.

Finnland
Konsumentskyddslag 20.1.1978/38 (sjá 10. kap.).

Noregur
Lov om avtaler om deltidsbruksrett og langtidsferieprodukter mv. LOV 2012-05-25 nr. 27.
Nánari upplýsingar um innleiðingu tilskipunar 2008/122/EB í Noregi hér.



Síðast breytt 12.04.2013. Tenglar í efni sem ekki er á vef Alþingis geta breyst og eru birtir án ábyrgðar. Unnið af starfsfólki upplýsinga- og rannsóknaþjónustu Alþingis.

Um samantektir

Samantektir um þingmál hafa verið birtar á vef Alþingis síðan á 141. þingi (2012-2013). Markmiðið er að setja fram í stuttu máli greinargóðar upplýsingar um þingmál og að tengja í efni sem gæti skýrt það frekar.

Samantektir eru einkum unnar um stjórnarfrumvörp en upplýsingum um önnur mál er bætt við eftir þörfum. Fylgst er með máli frá því að það kemur fram á þinginu og upplýsingum bætt við eftir því sem fram vindur. Þær eru að mestu fengnar úr texta frumvarps og umsagna, en tengt er í efni á öðrum vefjum eftir því sem tilefni er til. Tenglar í efni sem ekki er á vef Alþingis geta breyst og eru birtir án ábyrgðar. Umfjöllunin á að vera óhlutdræg en ekki er hægt að gera ráð fyrir að hún sé tæmandi. Samantektin er ekki hluti af þinglegri meðferð né formlegum skjölum þingmálsins.

Allar ábendingar og athugasemdir eru vel þegnar og má senda þær á netfangið rannsoknathjonusta@althingi.is.

Ferill málsins

  • Stjórnarfrumvarp
  • 1. umræða
  • Nefndarálit með breytingartillögu
  • Breytingatillögur
  • 2. umræða
  • Frumvarp eftir 2. umræðu
  • 3. umræða
  • Lög