Samantekt um þingmál

Eftirlit með fóðri, áburði og sáðvöru

363. mál á 141. löggjafarþingi.
Atvinnuvega- og nýsköpunarráðherra.

Markmið

Að styrkja lagaheimildir Matvælastofnunar vegna eftirlits með áburði o.fl.

Helstu breytingar og nýjungar

Helstu breytingar varða ábyrgð framleiðenda eða dreifingaraðila á að vörur uppfylli skilyrði og séu í samræmi við innihaldslýsingu. Einnig eru lögð til ýmis ákvæði um stjórnsýslusektir og refsiviðurlög vegna brota á lögunum.

Breytingar á lögum og tengd mál

Breyta á lögum nr. 22/1994, um eftirlit með fóðri, áburði og sáðvöru.

Kostnaður og tekjur

Hefur ekki áhrif á tekjur eða gjöld ríkissjóðs.

Umsagnir (helstu atriði)

Athugasemdir umsagnaraðila beinast að íþyngjandi heimildum eftirlitsaðila og refsigleði. Sjá einnig umsagnir við málið á 140. þingi.

Afgreiðsla

Frumvarpið var ekki afgreitt úr nefnd.

Aðrar upplýsingar

  Frumvarp með sama heiti var lagt fram á 140. löggjafarþingi en nú hafa verið gerðar eftirfarandi breytingar frá fyrra frumvarpi:
    a.     Í 3. gr. frumvarpsins er sérstaklega áréttað að til framleiðslu lyfjablandaðs fóðurs þarf einnig leyfi Lyfjastofnunar.
    b.     Í 11. gr. frumvarpsins er áréttað að brot gegn lögunum þurfa að vera framin af stórfelldu gáleysi til að það varði sektum eða fangelsi.
 



Síðast breytt 12.04.2013. Tenglar í efni sem ekki er á vef Alþingis geta breyst og eru birtir án ábyrgðar. Unnið af starfsfólki upplýsinga- og rannsóknaþjónustu Alþingis.

Um samantektir

Samantektir um þingmál hafa verið birtar á vef Alþingis síðan á 141. þingi (2012-2013). Markmiðið er að setja fram í stuttu máli greinargóðar upplýsingar um þingmál og að tengja í efni sem gæti skýrt það frekar.

Samantektir eru einkum unnar um stjórnarfrumvörp en upplýsingum um önnur mál er bætt við eftir þörfum. Fylgst er með máli frá því að það kemur fram á þinginu og upplýsingum bætt við eftir því sem fram vindur. Þær eru að mestu fengnar úr texta frumvarps og umsagna, en tengt er í efni á öðrum vefjum eftir því sem tilefni er til. Tenglar í efni sem ekki er á vef Alþingis geta breyst og eru birtir án ábyrgðar. Umfjöllunin á að vera óhlutdræg en ekki er hægt að gera ráð fyrir að hún sé tæmandi. Samantektin er ekki hluti af þinglegri meðferð né formlegum skjölum þingmálsins.

Allar ábendingar og athugasemdir eru vel þegnar og má senda þær á netfangið rannsoknathjonusta@althingi.is.

Ferill málsins

  • Stjórnarfrumvarp
  • 1. umræða
  • Nefndarálit
  • Breytingatillögur
  • 2. umræða
  • Frumvarp eftir 2. umræðu
  • 3. umræða
  • Lög