Tóbaksvarnir og verslun með áfengi og tóbak
499. mál á 141. löggjafarþingi.
Velferðarráðherra.
Markmið
Að draga úr neyslu á reyklausu tóbaki og því heilsutjóni sem slík neysla veldur.Helstu breytingar og nýjungar
Lagt er til bann við innflutningi, framleiðslu og sölu tóbaksvara sem sérstaklega er beint að ungu fólki. Felld er niður undanþága um innflutning, framleiðslu og sölu á skrotóbaki og tóbaksneysla innan framhalds- og sérskóla bönnuð. Lagt er til að sett verði reglugerð sem kveði meðal annars á um leyfilega kornastærð reyklauss tóbaks.Breytingar á lögum og tengd mál
Lög um tóbaksvarnir nr. 6/2002.Lög um verslun með áfengi og tóbak nr. 86/2011.
Frumvarpið er endurflutt frá 139. þingi með nokkrum viðbótum.
- Endurflutt: Tóbaksvarnir, 579. mál (velferðarráðherra) á 139. þingi (14.03.2011)
- Skylt mál: Aðgerðaáætlun um tóbaksvarnir, 31. mál (SF) á 141. þingi (13.09.2012)
Kostnaður og tekjur
Ekki er gert ráð fyrir auknum kostnaði fyrir ríkissjóð.Umsagnir (helstu atriði)
Margir umsagnaraðila fögnuðu frumvarpinu og lögðu til að það yrði samþykkt. Aðrir bentu á að munntóbak væri mun skaðlausara en reyktóbak og því væri ávinningur af banni ekki skýr. Bent var á að markmið frumvarpsins væru óskýr og ekki ljóst hver hin umrædda bannvara væri. Einnig kom fram að frumvarpið væri andstætt meginreglum EES-samningsins um frjálsa vörflutninga milli landa og bryti gegn jafnræðisreglu stjórnarskrárinnar.Afgreiðsla
Frumvarpið var afgreitt úr nefnd til 2. umræðu.Fjölmiðlaumfjöllun
Pétur Heimisson, Eyjólfur Þorkelsson (2013). Er reyklaust tóbak lyf að mati lækna? Læknablaðið 2. tbl. 99. árg.
Sjá ekki ávinning af munntóbaksbanni [frétt]. Morgunblaðið 16.1.2013.