Fjárhagsaðstoð vegna gjaldþrotaskipta
233. mál á 143. löggjafarþingi.
Félags- og húsnæðismálaráðherra.
Markmið
Að gera einstaklingum í verulegum greiðsluörðugleikum, og leitað hafa annarra úrræða við greiðsluvanda án árangurs, kleift að krefjast galdþrotaskipta á búi sínu.Helstu breytingar og nýjungar
Umboðsmaður skuldara getur að uppfylltum tilteknum skilyrðum veitt umsækjendum fjárhagsaðstoð sem felst í greiðslu á tryggingu fyrir kostnaði vegna gjaldþrotaskiptanna. Algengast er að dómarar ákveði lágmarkstryggingu að fjárhæð 250 þúsund kr. við skipti á búum einstaklinga.Breytingar á lögum og tengd mál
Sjá einnig lög um greiðsluaðlögun einstaklinga nr. 101/2010.- Skylt mál: Aðgerðir vegna skuldavanda heimila á Íslandi, 9. mál (forsætisráðherra) á 142. þingi (11.06.2013)
Kostnaður og tekjur
Áætlað er að útgjöld ríkissjóðs aukist um 140 milljónir kr. á árinu 2014. Á móti kemur að gert er ráð fyrir að afkoma hans verði óbreytt vegna fyrirhugaðrar hækkunar ríkistekna í formi aukinnar gjaldtöku á gjaldskylda aðila til greiðslu kostnaðar við rekstur umboðsmanns skuldara.Umsagnir (helstu atriði)
Umsagnaraðilar voru almennt sammála markmiði frumvarpsins en gerðu athugasemdir við þá leið sem valin er. Þeir töldu meðal annars eðlilegra að aðgerðin væri greidd úr ríkissjóði en kostnaður legðist ekki á fjármálafyrirtæki og lánastofnanir.Afgreiðsla
Frumvarpið varð að lögum með lagatæknilegum breytingum. Aðrar breytingar eru þær að gerðar eru sambærilegar kröfur um háttsemi skuldara og gert er í lögum um greiðsluaðlögun einstaklinga og kveðið er á um gögn sem skulu fylgja umsókn um fjárhagsaðstoð. Ráðherra verður skylt að setja reglugerð um framkvæmd laganna.