Brottnám líffæra
34. mál á 143. löggjafarþingi.
Silja Dögg Gunnarsdóttir.
Markmið
Að auðvelda líffæragjafir látinna einstaklinga.Helstu breytingar og nýjungar
Að gera ráð fyrir ætluðu samþykki við líffæragjöf þegar um er að ræða látinn einstakling. Þannig verði látinn einstaklingur sjálfkrafa líffæragjafi nema hann hafi látið í ljós vilja til hins gagnstæða.Breytingar á lögum og tengd mál
Lög um brottnám líffæra nr. 16/1991.- Skylt mál: ætlað samþykki við líffæragjafir, 28. mál (SF) á 141. þingi (13.09.2012)
- Skylt mál: Brottnám líffæra, 170. mál (SilG) á 145. þingi (24.09.2015)
- Skýrsla um framkvæmd ályktana Alþingis: Meðferð og framkvæmd ályktana Alþingis 2016, 80. mál (forsætisráðherra) á 148. þingi (29.12.2017)
- Skýrsla um framkvæmd ályktana Alþingis: Meðferð og framkvæmd ályktana Alþingis 2017, 292. mál (forsætisráðherra) á 149. þingi (02.11.2018)
Kostnaður og tekjur
Kemur ekki fram í frumvarpi.
Umsagnir (helstu atriði)
Umsagnir voru flestar fylgjandi fjölgun líffæragjafa. Bent var á nauðsyn almennrar fræðslu um mikilvægi líffæragjafa. Einnig var lögð áhersla á þjálfun heilbrigðisstarfsfólks í að ræða við aðstandendur. Í sumum umsögnum var lögð áhersla á mikilvægi samþykkis sjúklinga frekar en ætlaðs samþykkis. Bent var á að ekki væru allir einstaklingar færir um að andmæla líffæragjöf sökum æsku, veikinda eða fötlunar.Afgreiðsla
Samþykkt var að vísa frumvarpinu til ríkisstjórnarinnar.Aðrar upplýsingar
Greinar 1 og 2.
Sjá einkum greinar 3 og 4.