Húsaleigubætur
525. mál á 143. löggjafarþingi.
Félags- og húsnæðismálaráðherra.
Markmið
Að tryggja að jafnræðis sé gætt varðandi rétt námsmanna sem stunda nám fjarri heimabyggð til húsaleigubóta. Einnig að tryggja rétt þeirra til húsaleigubóta sem hafa afnot af íbúðarhúsnæði sem selt hefur verið nauðungarsölu.Helstu breytingar og nýjungar
Undanþága frá lögheimilisskilyrði námsmanna er útvíkkuð þannig að hún nái einnig til leigjenda sem stunda nám innan þess sveitarfélags sem þeir áttu lögheimili í þegar námið hófst þurfi þeir að búa annars staðar innan sveitarfélagsins.
Lagt er til að gerðarþolar sem njóta réttar til að halda notum af íbúðarhúsnæði, sem hann hafði til eigin nota við nauðungarsölu, hafi rétt til húsaleigubóta. Jafnframt er lagt til að undanþága um þinglýsingu húsaleigusamninga verði einnig látin ná til leigusamninga leigjenda sem eru í námi og leigja herbergi eða íbúð á heimavist eða námsgörðum.
Breytingar á lögum og tengd mál
Breyta á lögum um húsaleigubætur, nr. 138/1997.Kostnaður og tekjur
Ekki er gert ráð fyrir að lögfesting frumvarpsins hafi teljandi áhrif á greiðslur ríkissjóðs til Jöfnunarsjóðs sveitarfélaga vegna húsaleigubóta.Afgreiðsla
Ekki var mælt fyrir frumvarpinu.
