Handtaka og afhending manna til og frá Íslandi á grundvelli handtökuskipunar
463. mál á 144. löggjafarþingi.
Dómsmálaráðherra.
Markmið
Mótun heildarlöggjafar um skilyrði handtöku og afhendingar manna, vegna refsiverðrar háttsemi, á milli Íslands, Norðurlandanna og aðildarríkja Evrópusambandsins.Helstu breytingar og nýjungar
Lagt er til að sameinuð verði í einni löggjöf ákvæði laga nr. 12/2010 (norræn handtökuskipun) og ný lagaákvæði sem leiða af skuldbindingum Íslands vegna evrópsku handtökuskipunarinnar. Þörfin á nýju fyrirkomulagi um framsal byggist meðal annars á því að í auknum mæli eru afbrot skipulögð og ganga þvert á landamæri. Lagt er til að tekið verði upp nýtt fyrirkomulag varðandi afhendingu sakamanna milli ríkja sem komi í stað hefðbundins framsalsfyrirkomulags. Í samningunum er miðað við að embætti ríkissaksóknara skuli gefa út handtökuskipun, taka á móti og fjalla um hana og taka ákvörðun um hvort orðið skuli við beiðni um afhendingu (framsal) eða ekki. Einnig er gert ráð fyrir að tímafrestir um málsmeðferð og afhendingu verði styttri en nú er.Breytingar á lögum og tengd mál
Lög um handtöku og afhendingu manna milli Norðurlandanna vegna refsiverðra verknaða (norræn handtökuskipun) nr. 12/2010.Lög um framsal sakamanna og aðra aðstoð í sakamálum nr. 13/1984.
Kostnaður og tekjur
Gera má ráð fyrir nokkrum viðbótarútgjöldum hjá embætti ríkissaksóknara sem gætu svarað til hálfs ársverks en á móti kemur sparnaður í útgjöldum aðalskrifstofu innanríkisráðuneytis.Umsagnir (helstu atriði)
Þær umsagnir sem bárust voru almennt jákvæðar.Afgreiðsla
Afgreitt úr nefnd til 2. umræðu.
