Meðferð einkamála o.fl.
605. mál á 144. löggjafarþingi.
Innanríkisráðherra.
Markmið
Að auka skilvirkni við afgreiðslu dómsmála með því að einfalda reglur og auka afköst og hraða við meðferð mála.Helstu breytingar og nýjungar
Lagt er til að skýrslutökur af börnum yngri en 15 ára skuli að jafnaði fara fram í sérútbúnu húsnæði. Ákvæði um hver taki ákvörðun um þóknun til lögmanns dómfellda eða ákærða eru skýrð. Lagt er til að sérstaklega verði kveðið á um heimildir til birtingar á niðurstöðum héraðsdóma og að settar verði reglur um afmáningu viðkvæmra upplýsinga.Breytingar á lögum og tengd mál
Lög um meðferð sakamála nr. 88/2008.Lög um dómstóla nr. 15/1998.
Kostnaður og tekjur
Telja má allnokkrar líkur á því að tímagjald réttargæslumanna og verjenda verði hækkað frá því sem nú er. Gangi það eftir má gera ráð fyrir að kostnaður ríkissjóðs vegna málskostnaðar í opinberum málum geti aukist umtalsvert en ekki er hægt að áætla hversu mikið.Umsagnir (helstu atriði)
Umsagnir voru almennt jákvæðar þótt athugasemdir væru gerðar við einstaka greinar. Vakin var athygli á því að 15-18 ára einstaklingar væru enn börn í lagalegum skilningi, einnig var bent á að æskilegt væri að leggja þá skyldu á dómara að kveða til einstakling með sérþekkingu á málefnum barna til þess að aðstoða við skýrslutöku (18. gr. frumvarpsins).Afgreiðsla
Frumvarpið var samþykkt með minni háttar breytingum.