Ársreikningar og endurskoðendur og endurskoðun
721. mál á 150. löggjafarþingi.
Ferðamála-, iðnaðar- og nýsköpunarráðherra.
Markmið
Að auka traust og tryggja gagnsæi í upplýsingagjöf fyrirtækja sem almennt má telja að séu þjóðhagslega mikilvæg og varða hagsmuni almennings.Helstu breytingar og nýjungar
Gert er ráð fyrir útvíkkun á skilgreiningu hugtaksins eining tengd almannahagsmunum, sem finna má í lögum um ársreikninga og í lögum um endurskoðendur og endurskoðun, í því skyni að fella fleiri félög, sem almennt eru talin þjóðhagslega mikilvæg og varða hagsmuni almennings, undir skilgreininguna en í núgildandi lögum. Þá er gerð tillaga að breyttu orðalagi er lýtur að þeim kröfum sem gerðar eru til skýrslu stjórnar um árangur, áhættu og óvissuþætti. Einnig er lagt til að allar einingar tengdar almannahagsmunum skuli árlega birta yfirlýsingu um stjórnarhætti sína í sérstökum kafla í skýrslu stjórnar auk þess að taka af allan vafa um hvaða félög skuli láta ófjárhagslegar upplýsingar fylgja í yfirliti með skýrslu stjórnar. Enn fremur er gerð tillaga um gjaldfrjálsa birtingu ársreikninga á opinberu vefsvæði.Breytingar á lögum og tengd mál
Lög um ársreikninga, nr. 3/2006.
Lög um endurskoðendur og endurskoðun, nr.
94/2019.
