Samantekt um þingmál
310. mál á 151. löggjafarþingi.
Mennta- og menningarmálaráðherra.
Markmið
Að gera fleiri listamönnum kleift að starfa að listsköpun sinni á árinu 2021.
Helstu breytingar og nýjungar
Lagt er til að samanlögðum starfslaunum listamanna árið 2021 verði fjölgað tímabundið úr 1.600 mánaðarlaunum í 2.150 mánaðarlaun. Gert er ráð fyrir því að hlutfallsskipting starfslauna árið 2021 taki mið af þeim listgreinum sem harðast hafa orðið úti í heimsfaraldri kórónuveiru á árinu 2020. Lagt er til að sviðslistafólk og tónlistarflytjendur njóti mestrar hlutfallslegrar hækkunar en að allar listgreinar
njóti einnig hækkunar.
Breytingar á lögum og tengd mál
Lög um listamannalaun, nr.
57/2009.
Kostnaður og tekjur
Gert er ráð fyrir að kostnaður ríkissjóðs vegna aukins framlags til starfslauna verði 225 milljónir kr.
Afgreiðsla
Samþykkt óbreytt.
Aðrar upplýsingar
Mikið tekjufall hjá listamönnum vegna COVID-kreppunnar.
Bandalag háskólamanna, 16. október 2020.
Síðast breytt 17.12.2020. Tenglar í efni sem ekki er á vef Alþingis geta breyst og eru birtir án ábyrgðar. Unnið af starfsfólki upplýsinga- og rannsóknaþjónustu Alþingis.
Um samantektir
Samantektir um þingmál hafa verið birtar á vef Alþingis síðan á 141. þingi (2012-2013). Markmiðið er að setja fram í stuttu máli greinargóðar upplýsingar um þingmál og að tengja í efni sem gæti skýrt það frekar.
Samantektir eru einkum unnar um stjórnarfrumvörp en upplýsingum um önnur mál er bætt við eftir þörfum. Fylgst er með máli frá því að það kemur fram á þinginu og upplýsingum bætt við eftir því sem fram vindur. Þær eru að mestu fengnar úr texta frumvarps og umsagna, en tengt er í efni á öðrum vefjum eftir því sem tilefni er til. Tenglar í efni sem ekki er á vef Alþingis geta breyst og eru birtir án ábyrgðar. Umfjöllunin á að vera óhlutdræg en ekki er hægt að gera ráð fyrir að hún sé tæmandi. Samantektin er ekki hluti af þinglegri meðferð né formlegum skjölum þingmálsins.
Allar ábendingar og athugasemdir eru vel þegnar og má senda þær á netfangið rannsoknathjonusta@althingi.is.
