Málefni innflytjenda
271. mál á 152. löggjafarþingi.
Félagsmála- og vinnumarkaðsráðherra.
Markmið
Að lögfesta ný verkefni Fjölmenningarseturs sem því er ætlað að framkvæma vegna nýrrar samræmdrar móttöku flóttafólks.Helstu breytingar og nýjungar
Lagt er til að Fjölmenningarsetri verði falið víðtækara hlutverk vegna samræmdar móttöku flóttafólks með því að fela stofnuninni að veita sveitarfélögum faglegar leiðbeiningar og ráðgjöf í tengslum við móttöku flóttafólks, t.d. með útgáfu leiðbeininga um gerð einstaklingsmiðaðra áætlana, gátlista, reglulegri upplýsingamiðlun og stuðningi í erfiðum eða flóknum einstaklingsmálum, auk þess sem stofnuninni er falið að halda fræðslufundi. Þá er gert ráð fyrir að Fjölmenningarsetri verði falið að halda utan um boð móttökusveitarfélaga um búsetu og þjónustu byggt á þeim upplýsingum sem fyrir liggja og m.t.t. ákveðinna þátta, s.s. möguleika á námi, aðgangi að nauðsynlegri heilbrigðisþjónustu, atvinnutækifæra og samgangna. Jafnframt eru lagðar til breytingar á heimildum Fjölmenningarseturs til vinnslu persónuupplýsinga og á skipan innflytjendaráðs.Breytingar á lögum og tengd mál
Lög um um um málefni innflytjenda, nr. 116/2012.- Endurflutt: Málefni innflytjenda, 452. mál (félags- og barnamálaráðherra) á 151. þingi (19.01.2021)
- Endurflutt: Málefni innflytjenda, 457. mál (félags- og barnamálaráðherra) á 150. þingi (06.12.2019)
- Skylt mál: Framkvæmdaáætlun í málefnum innflytjenda, 592. mál (félags- og vinnumarkaðsráðherra) á 152. þingi (01.04.2022)