Samantekt um þingmál
272. mál á 153. löggjafarþingi.
Innviðaráðherra.
Markmið
Að koma á skráningu leigusamninga í opinberan gagnagrunn.
Helstu breytingar og nýjungar
Lagt er til að lögfest verði skylda leigusala til að skrá leigusamninga um íbúðarhúsnæði og breytingar á leigufjárhæð í gagnagrunn leigusamninga, svokallaðan húsnæðisgrunn Húsnæðis- og mannvirkjastofnunar. Með slíku fyrirkomulagi eiga að geta legið fyrir betri upplýsingar um leigumarkaðinn, ekki síst um þróun leiguverðs, tegund og lengd leigusamninga, sem nýtist stjórnvöldum við stefnumótun í húsnæðismálum sem og við skattlagningu leigutekna.
Breytingar á lögum og tengd mál
Lög um Húsnæðis- og mannvirkjastofnun, nr.
137/2019.
- Endurflutt: Húsaleigulög, 572. mál (innviðaráðherra) á 152. þingi (01.04.2022)
- Endurflutt: Húsaleigulög, 862. mál (félags- og barnamálaráðherra) á 151. þingi (11.06.2021)
Kostnaður og tekjur
Gert er ráð fyrir óverulegum kostnaði fyrir ríkissjóð.
Afgreiðsla
Samþykkt með þeim breytingum að einungis leigusölum sem hafa atvinnu af útleigu skal skylt að skrá leigusamning hjá Húsnæðis- og mannvirkjastofnun.
Aðrar upplýsingar
Átakshópur leggur til 40 aðgerðir til að bregðast við vanda á húsnæðismarkaði. Forsætisráðuneytið, 22. janúar 2019.
Síðast breytt 30.03.2023. Tenglar í efni sem ekki er á vef Alþingis geta breyst og eru birtir án ábyrgðar. Unnið af starfsfólki upplýsinga- og rannsóknaþjónustu Alþingis.
Um samantektir
Samantektir um þingmál hafa verið birtar á vef Alþingis síðan á 141. þingi (2012-2013). Markmiðið er að setja fram í stuttu máli greinargóðar upplýsingar um þingmál og að tengja í efni sem gæti skýrt það frekar.
Samantektir eru einkum unnar um stjórnarfrumvörp en upplýsingum um önnur mál er bætt við eftir þörfum. Fylgst er með máli frá því að það kemur fram á þinginu og upplýsingum bætt við eftir því sem fram vindur. Þær eru að mestu fengnar úr texta frumvarps og umsagna, en tengt er í efni á öðrum vefjum eftir því sem tilefni er til. Tenglar í efni sem ekki er á vef Alþingis geta breyst og eru birtir án ábyrgðar. Umfjöllunin á að vera óhlutdræg en ekki er hægt að gera ráð fyrir að hún sé tæmandi. Samantektin er ekki hluti af þinglegri meðferð né formlegum skjölum þingmálsins.
Allar ábendingar og athugasemdir eru vel þegnar og má senda þær á netfangið rannsoknathjonusta@althingi.is.