Samantekt um þingmál
597. mál á 153. löggjafarþingi.
Mennta- og barnamálaráðherra.
Markmið
Að skýra starf og hlutverk samskiptaráðgjafa íþrótta- og æskulýðsstarfs og aðlaga það að því hvernig það hefur þróast frá því að samskiptaráðgjafi tók til starfa. Að tryggja fullnægjandi heimildir til vinnslu og miðlunar persónuupplýsinga.
Helstu breytingar og nýjungar
Lagt er til að samskiptaráðgjafi íþrótta- og æskulýðsstarfs fái auknar heimildir til upplýsingaöflunar og vinnslu viðkvæmra persónuupplýsinga, sem tryggir betri ráðgjöf og stuðning við þolendur. Jafnframt eru lagðar til breytingar til að skýra hlutverk og starf ráðgjafans í lögunum.
Breytingar á lögum og tengd mál
Lög um samskiptaráðgjafa íþrótta- og æskulýðsstarfs, nr.
45/2019.
Kostnaður og tekjur
Ekki er gert ráð fyrir áhrifum á ríkissjóð.
Afgreiðsla
Samþykkt með minni háttar breytingum.
Aðrar upplýsingar
Síðast breytt 08.07.2024. Tenglar í efni sem ekki er á vef Alþingis geta breyst og eru birtir án ábyrgðar. Unnið af starfsfólki upplýsinga- og rannsóknaþjónustu Alþingis.
Um samantektir
Samantektir um þingmál hafa verið birtar á vef Alþingis síðan á 141. þingi (2012-2013). Markmiðið er að setja fram í stuttu máli greinargóðar upplýsingar um þingmál og að tengja í efni sem gæti skýrt það frekar.
Samantektir eru einkum unnar um stjórnarfrumvörp en upplýsingum um önnur mál er bætt við eftir þörfum. Fylgst er með máli frá því að það kemur fram á þinginu og upplýsingum bætt við eftir því sem fram vindur. Þær eru að mestu fengnar úr texta frumvarps og umsagna, en tengt er í efni á öðrum vefjum eftir því sem tilefni er til. Tenglar í efni sem ekki er á vef Alþingis geta breyst og eru birtir án ábyrgðar. Umfjöllunin á að vera óhlutdræg en ekki er hægt að gera ráð fyrir að hún sé tæmandi. Samantektin er ekki hluti af þinglegri meðferð né formlegum skjölum þingmálsins.
Allar ábendingar og athugasemdir eru vel þegnar og má senda þær á netfangið rannsoknathjonusta@althingi.is.