Virðisaukaskattur og kílómetragjald vegna notkunar hreinorku- og tengiltvinnbifreiða
917. mál á 154. löggjafarþingi.
Fjármála- og efnahagsráðherra.
Markmið
Að auka skýrleika og fyrirsjáanleika laga um virðisaukaskatt með því að aðlaga þau betur reglum Evrópusambandsins og tilmælum OECD um milliríkjaviðskipti. Að styrkja samkeppnisstöðu Íslands þegar kemur að alþjóðaviðskiptum. Að auka skýrleika og skilvirkni í stjórnsýslu og innheimtu kílómetragjalds vegna notkunar hreinorku- og tengiltvinnbifreiða.Helstu breytingar og nýjungar
Lagt er til að þjónusta sem er seld til erlendra atvinnufyrirtækja verði undanþegin virðisaukaskatti með ákveðnum undantekningum. Gert er ráð fyrir að ökutækjaleigum verði skylt að skila upplýsingum til Skattsins um nýtingu á virðisaukaskattsívilnun við endursölu á hreinorku- og tengiltvinnbifreiðum. Lagt er til að skýra betur hlutverk ríkisskattstjóra og Samgöngustofu í sambandi við innheimtu kílómetragjalds, sérstaklega varðandi rafræna skráningu og álagningu gjaldsins.
Breytingar á lögum og tengd mál
Lög um virðisaukaskatt, nr.
50/1988.
Lög um kílómetragjald vegna notkunar hreinorku- og tengiltvinnbifreiða, nr.
101/2023.
Kostnaður og tekjur
Ekki er gert ráð fyrir beinum áhrifum á ríkissjóð.Afgreiðsla
Samþykkt með minni háttar breytingum.Aðrar upplýsingar
Tilskipun ráðsins 2006/112/EB frá 28. nóvember 2006 um sameiginlegt virðisaukaskattskerfi.
Alþjóðlegar leiðbeiningar OECD um virðisaukaskatt (
International VAT/GST Guidelines).
