Útvarps- og sjónvarpsumræður um skipun rannsóknarnefndar í málefnum Landssímans og einkavæðingarnefndar
Útvarps- og sjónvarpsumræður um skipun rannsóknarnefndar í málefnum Landssímans og einkavæðingarnefndar, 6. mars kl. 15.00
Í dag kl. 15.00 verða útvarps- og sjónvarpsumræður um tillögu til þingsályktunar um skipun rannsóknarnefndar í málefnum Landssímans og einkavæðingarnefndar, 554. mál, þskj. 872., fyrri umræða.
Umræðan fer fram á grundvelli 77. gr. þingskapa. Samkomulag er milli þingflokka um að ræðutími verði 20 mín. á hvern þingflokk, sbr. 80. gr. þingskapa. Meðan umræðunni er útvarpað skiptist hún í tvær umferðir, 10 mínútur í hvorri umferð.
Röð flokkanna verður þessi í báðum umferðum:
Samfylkingin,
Sjálfstæðisflokkur,
Vinstri hreyfingin – grænt framboð,
Framsóknarflokkur og
Frjálslyndi flokkur.
Ræðumenn flokkanna verða:
Fyrir Samfylkinguna talar í fyrri umferð Jóhanna Sigurðardóttir, 5. þm. Reykjavíkurkjördæmis, en í síðari umferð Lúðvík Bergvinsson, 6. þm. Suðurlandskjördæmis, og Guðmundur Árni Stefánsson, 6. þm. Reykjaneskjördæmis.
Fyrir Sjálfstæðisflokk talar í fyrri umferð Sturla Böðvarsson samgönguráðherra, en í síðari umferð Þorgerður K. Gunnarsdóttir, 5. þm. Reykjaneskjördæmis, og Vilhjálmur Egilsson, 1. þm. Norðurlandskjördæmis vestra.
Ræðumenn Vinstri hreyfingarinnar – græns framboðs verða í fyrri umferð Ögmundur Jónasson, 13. þm. Reykjavíkurkjördæmis, og Jón Bjarnason, 5. þm. Norðurlandskjördæmis vestra, í síðari umferð.
Fyrir Framsóknarflokk talar Guðni Ágústsson landbúnaðarráðherra í fyrri umferð, en Jónína Bjartmarz, 16. þm. Reykjavíkurkjördæmis, í síðari umferð.
Fyrir Frjálslynda flokkinn tala í fyrri umferð Guðjón A. Kristjánsson, 4. þm. Vestfjarðakjördæmis en Sverrir Hermannsson, 18. þm. Reykjavíkurkjördæmis, í síðari umferð.
Þegar útvarpi frá umræðunni lýkur verður henni haldið áfram skv. 44. gr. þingskapa ef henni verður þá ekki lokið.