Laust starf í öryggis- og þjónustudeild á skrifstofu Alþingis
Við leitum að jákvæðum og þjónustuliprum einstaklingi í stöðu þingvarðar í öryggis- og þjónustudeild í fullt vaktavinnustarf. Einnig kemur til greina að ráða í tímabundna stöðu. Unnið er á dag- og kvöldvöktum alla vikudaga á milli kl. 7-23.
Verkefni starfsfólks eru m.a. umsjón með öryggismálum, almenn þjónusta við þingmenn, starfsfólk og gesti og önnur verkefni sem deildinni eru falin. Starfsfólk deildarinnar tekur þátt í teymisvinnu þvert á starfseiningar skrifstofu Alþingis og í starfinu felst frábært tækifæri til að taka þátt í líflegu og skemmtilegu starfsumhverfi þingsins.
Helstu verkefni og ábyrgð
- Þjónusta við þingmenn og starfsfólk og gesti
- Öryggisgæsla
- Eftirlit með húsnæði þingsins
- Móttaka gesta og símsvörun
- þátttaka í öðrum verkefnum sem deildinni eru falin
Hæfniskröfur
- Stúdentspróf, iðnmenntun eða sambærileg menntun sem nýtist í starfi
- Marktæk starfsreynsla sem nýtist í starfi
- Mjög góð tölvu- og tæknikunnátta
- Aukin ökuréttindi eru kostur
- Færni og lipurð í mannlegum samskiptum
- Góð íslenskukunnátta, önnur tungumálakunnátta kostur
Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Sameyki hafa gert.
Umsókn skal fylgja ferilskrá og kynningarbréf þar sem umsækjandi rökstyður hæfni sína í starfið. Umsóknir gilda í sex mánuði frá því að umsóknarfrestur rennur út og öllum umsóknum verður svarað þegar ákvörðun um ráðningu liggur fyrir. Eingöngu verður tekið við umsóknum í gegnum ráðningarkerfi Orra.
Starfið hentar öllum kynjum og áhugasöm eru hvött til að sækja um. Skrifstofa Alþingis hefur hlotið jafnlaunavottun og starfar í samræmi við betri vinnutíma. Gildi skrifstofu Alþingis eru fagmennska, virðing og framsækni.
Nánari upplýsingar um starfsemi Alþingis og skrifstofu þingsins er að finna á vef Alþingis, www.althingi.is
Starfshlutfall er 100%
Umsóknarfrestur er til og með 06.08.2024
Nánari upplýsingar veitir
Sigurlaug Skaftad. McClure, deildarstjóri - stjornendurth@althingi.is - 563-0500