Ferill 247. máls. Aðrar útgáfur af skjalinu: PDF - Word Perfect.
108. löggjafarþing 1985–86.
Nr. 17/108.
Þskj. 1076 — 247. mál.
Þingsályktun
um skipulagningu náms og vinnu í sölu- og markaðsmálum.
Alþingi ályktar að fela ríkisstjórninni að beita sér fyrir því með samstarfi menntamálaráðuneytisins, viðskiptaráðuneytisins, utanríkisráðuneytisins og aðila vinnumarkaðarins að samræma og skipuleggja nám og starfsþjálfun á sviði sölu- og markaðsmála innanlands og utan, jafnhliða sérstökum aðgerðum til að afla þekkingar á mörkuðum. Markmiðið verði að koma á fót í skólakerfinu og viðskiptalífinu víðtæku námi í sölumennsku, markaðsöflun, kynningu, auglýsingatækni og samningagerð. Niðurstöður þessa starfs skulu lagðar fyrir Alþingi á næsta reglulegu þingi.
Samþykkt á Alþingi 22. apríl 1986.