Ferill 120. máls. Aðrar útgáfur af skjalinu: Word Perfect.
1989. – 1059 ár frá stofnun Alþingis.
112. löggjafarþing. – 120 . mál.
Sþ.
124. Tillaga til þingsályktunar
um viðskipti og menningarsamskipti við byggðir Vestur-Íslendinga í Kanada.
Flm.: Ásgeir Hannes Eiríksson, Aðalheiður Bjarnfreðsdóttir.
Alþingi ályktar að fela utanríkisráðherra að skipa nefnd er fái það hlutverk að kanna möguleika á að efla viðskipti og menningarsamskipti við byggðir Vestur-Íslendinga í Kanada.
Nefndin skili áfangaskýrslu um störf sín fyrir árslok 1990.
Greinargerð.
Það er fyrst á síðustu áratugum sem efnt hefur verið til fjölmennra ferða Vestur-Íslendinga hingað til lands og jafnframt er farið héðan í heimsóknir af ýmsu tagi vestur um haf.
Lítið mun hins vegar hafa verið um skipulagðar heimsóknir skólafólks eða vinabæjatengsl. Sáralítið mun einnig hafa verið um tilraunir til viðskiptasambanda á milli Íslands og Kanada. Væntanlega má finna einhverja leið til að efla samskiptin. Því er þessi tillaga til þingsályktunar flutt.