Ferill 162. máls. Aðrar útgáfur af skjalinu: Word Perfect.
1989–90. – 1059 ár frá stofnun Alþingis.
112. löggjafarþing. – 162 . mál.
Sþ.
499. Svar
samgönguráðherra við fyrirspurn Eggerts Haukdals um sýsluvegi.
1. Með XII. kafla laga nr. 87/1989, um breytingu á verkaskiptingu ríkis og sveitarfélaga, var gerð sú breyting á vegalögum að eftir sl. áramót varð lagning og viðhald sýsluvega að öllu leyti kostað af ríkisframlagi á vegáætlun, en áður kom um 1 / 3 frá hreppsfélögum og um 2 / 3 frá ríki á vegáætlun.
2. Samkvæmt áður gildandi vegalögum, þ.e. þeim lögum sem féllu úr gildi um sl. áramót var framlag til sýsluvega lögbundið. Hvert hreppsfélag greiddi í sýsluvegasjóð sem nam andvirði 6–8 dagvinnustunda fyrir hvern íbúa, miðað við kaupgjald í almennri verkamannavinnu, og veitti síðan til sýsluvega af vegáætlun upphæð sem eigi var lægri en tveimur og hálfum sinnum heildarupphæð innheimtra sýsluvegasjóðsgjalda. Í nefndri breytingu á vegalögum er ekkert ákvæði sem tryggir sýsluvegum fjármagn á þennan hátt, heldur er framlag til þeirra hverju sinni ákveðið í vegáætlun.
3. Í vegáætlun fyrir árin 1989–1992 er gert ráð fyrir 190 milljónum króna til sýsluvega á árinu 1990, en í fjárlögum fyrir árið 1990 er sú tala lækkuð í 153 milljónir króna, sbr. nánara meðfylgjandi yfirlit um framlög til sýsluvega 1981–1990.
Tafla.
Framlög til sýsluvega 1981–1990.
(Verðlag samkvæmt forsendum fjárlaga 1990, í millj. kr.)
Ríkis- Heima- Sam-
Ár framlög framlög tals
—————— ——— ——— ————
1981 .................. 151 89240
1982 .................. 139 80219
1983 .................. 107 52159
1984 .................. 126 62188
1985 .................. 116 60176
1986 .................. 123 68191
1987 .................. 133 84217
1988 .................. 179 72251
1989 .................. 162 65227
1990 samkvæmt vegáætlun 190 0190
1990 samkvæmt fjárlögum 153 0153