Ferill 252. máls. Aðrar útgáfur af skjalinu: Word Perfect.
1989–90. – 1059 ár frá stofnun Alþingis.
112. löggjafarþing. – 252 . mál.
Nd.
1145. Nefndarálit
um frv. til l. um breyt. á l. nr. 86/1988, um Húsnæðisstofnun ríkisins, með síðari breytingum.
Frá meiri hl. félagsmálanefndar.
Nefndin hefur fjallað um frumvarpið og fengið um það umsagnir frá Húsnæðisstofnun ríkisins, Seðlabanka Íslands, Alþýðusambandi Íslands, Félagi fasteignasala, G-samtökunum, stjórn Landssambands lífeyrissjóða, Vinnuveitendasambandi Íslands, Félagi eldri borgara, Neytendasamtökunum, Öryrkjabandalagi Íslands og Sambandi almennra lífeyrissjóða.
Í ljósi fyrirliggjandi umsagna og umræðna innan nefndarinnar leggur meiri hl. nefndarinnar til að frumvarpið verði afgreitt með svofelldri:
RÖKSTUDDRI DAGSKRÁ:
Þar sem:
1. Það hefur legið ljóst fyrir að stefna ríkisstjórnarinnar er að hækkanir vaxta hjá Byggingarsjóði ríkisins taki ekki til þegar veittra lána og að sú stefna kom skýrt fram í nefndaráliti meiri hl. fjárhags- og viðskiptanefndar neðri deildar um vaxtabætur 3. maí 1989 án þess að athugasemd væri við það gerð á Alþingi;
2. Alþýðusamband Íslands mælir ekki með samþykkt frumvarpsins;
3. húsnæðisstjórn bendir í umsögn á að tæknilegir vankantar séu á framkvæmd ákvæða frumvarpsins;
4. vaxtahækkanir á þegar veittum lánum eru óréttlátar og koma í veg fyrir að íbúðarkaupendur geti gert raunhæfar áætlanir um greiðslubyrði;
5. kjarasamningar geta raskast við hækkun vaxta
telur deildin engar forsendur fyrir því að afgreiða frumvarpið og samþykkir að taka fyrir næsta mál á dagskrá.
Alþingi, 2. maí 1990.
Rannveig Guðmundsdóttir,
form., frsm.
Guðrún Helgadóttir,
fundaskr.
Jón Kristjánsson.
Anna Ólafsdóttir Björnsson.