[15:19]
Jóhanna Sigurðardóttir (andsvar):
Virðulegi forseti. Þetta kemur skýrt fram hjá ráðherranum núna og ég þakka fyrir upplýsingarnar sem eru mikilvægar inn í umræðuna. En ráðherrann fæst ekki til þess að svara því hvort hún vilji styðja brtt. okkar fjórmenninganna og því spyr ég ráðherrann að því aftur: Ef ráðherrann fellst ekki á að styðja þessa brtt. og hún nær ekki fram að ganga og lögin verða afgreidd eins og stefnir í mun ráðherrann beita sér fyrir því ef almennur fjármagnstekjuskattur verður ekki kominn á 1. sept. að lagagreininni varðandi lífeyrisþegana verði kippt úr sambandi og þá frestað þar til almennur fjármagnstekjuskattur er kominn á?