[prenta uppsett í dálka] 40. fundur
Bryndís Hlöðversdóttir:
Herra forseti. Farið er fram á 5 millj. kr. aukafjárheimild til Landhelgisgæslunnar á þessum lið. Skýringin sem gefin er sú að um sé að ræða aukakostnað vegna flugferða á vegum stjórnvalda og vísindastofnana í tengslum við aðdraganda náttúrhamfaranna á Skeiðarársandi í kjölfar vatnsumbrota þar í haust. Minni hlutinn leyfir sér að efast stórlega um að allar þær flugferðir sem flogið var með hæstv. ráðherra ríkisstjórnarinnar og aðrar toppfígúrur í samfélaginu í útsýnisflug yfir sandinn hafi verið nauðsynlegar í þágu almannavarna og lýsir allri ábyrgð vegna þessarar viðbótaheimildar á hendur meiri hlutanum og tekur ekki þátt í afgreiðslu þessa máls.
