Ferill 509. máls. Aðrar útgáfur af skjalinu: Word Perfect.
1996–97. – 1066 ár frá stofnun Alþingis.
121. löggjafarþing. –
509
. mál.
856. Fyrirspurn
til fjármálaráðherra um álagningarstofn skatta hjá nokkrum stéttum o.fl.
Frá Jóhönnu Sigurðardóttur.
Hver var heildarálagningarstofn til útsvars, eignar- og tekjuskatts sundurliðað eftir stéttum hjá verkfræðingum, tannlæknum, arkitektum, lögfræðingum og lyfjafræðingum við álagningu skatta árin 1994–96? Hvað eru margir í hverri stétt samkvæmt skattframtölum hvert þessara ára?
Hverjar voru framtaldar heildareignir og -tekjur framangreindra stétta, sundurliðað eftir stéttum og fjölda í hverri stétt, tekjuárin 1993, 1994 og 1995? Hvernig skiptust heildartekjur milli:
rekstrarkostnaðar,
framtalinna launa?
Hver var hlutur sjálfstæðra atvinnurekenda í álögðum tekjuskatti einstaklinga álagningarárin 1994–96 og hver er fjöldi þeirra samkvæmt skattframtölum þessi ár?
Skriflegt svar óskast.