Svavar Gestsson (andsvar):
Ég þakka yfir þessar yfirlýsingar um söfnin. Það er mikilvægt að fá þær og ég mun ganga eftir því frekar á öðrum vettvangi.
Varðandi innritunargjöldin og skólagjöldin er það svo að í frahaldsskólunum nema þau, ef ég man rétt, 233 millj. kr. Þar af er fallskatturinn um 12--15 millj. Síðan eru svokölluð innritunargjöld og önnur skólagjöld sem bersýnilega ganga til almenns rekstrarkostnaðar skólanna. Það er ekki nokkur leið að mæla á móti því. Þar eru upphæðirnar einhvers staðar í kringum 150 millj. kr. Þess vegna leggjum við til að þau verði felld niður svo rekstur skólanna sé ekki fjármagnaður með gjöldum á nemendur.