Ferill 387. máls. Aðrar útgáfur af skjalinu: Word Perfect.
123. löggjafarþing 1998–99.
Þskj. 1101 — 387. mál.
Nefndarálit
um till. til þál. um skipan nefndar til að auka aga í skólum landsins.
Frá menntamálanefnd.
Nefndin hefur fjallað um málið. Umsagnir um það bárust frá skólaskrifstofu Suðurlands, fræðslu- og menningarsviði Hornafjarðarbæjar, Sambandi íslenskra sveitarfélaga, Skólameistarafélagi Íslands, Grindavíkurbæ, menntamálaráðuneyti, skólaskrifstofu Húnvetninga, skólaskrifstofu Vesturlands, Kennaraháskóla Íslands, skólaþjónustu Eyþings, Kennarasambandi Íslands, skólaskrifstofu Vestfjarða, Æskulýðssambandi Íslands, Sambandi iðnmenntaskóla, Íþrótta- og Ólympíusambandi Íslands og Barnaverndarstofu.
Í tillögunni er lagt til að menntamálaráðherra verði falið að skipa nefnd sem skipuð verði fulltrúum aðila sem sinna að ákveðnu marki uppeldishlutverki barna á skólaaldri. Lagt er til að nefndinni verði falið að skila tillögum um aukinn aga í skólum landsins.
Nefndin leggur til að tillögunni verði vísað til ríkistjórnarinnar.
Alþingi, 9. mars 1999.
Sigríður A. Þórðardóttir,
form.
Hjálmar Árnason,
frsm.
Arnbjörg Sveinsdóttir.
Guðný Guðbjörnsdóttir.
Kristín Ástgeirsdóttir.