Ögmundur Jónasson (um atkvæðagreiðslu):
Herra forseti. Þetta mál ber mjög brátt að. Vinstri hreyfingin -- grænt framboð mun ekki styðja inngrip í kjaradeilu sjómanna með lögum. Þessa deilu á að leysa við samningaborð en ekki með lagaboði.
Frv. ríkisstjórnarinnar er komið fram. Þingflokkur Vinstri hreyfingarinnar -- græns framboðs mun ekki leggjast gegn því á þessu stigi að málið komi til umræðu á Alþingi þannig að Alþingi gefist kostur á að heyra sjónarmið deiluaðila. Við munum því ekki greiða atkvæði gegn afbrigðum heldur sitja hjá við þá atkvæðagreiðslu.