Guðjón A. Kristjánsson:
Herra forseti. Ég hlýt að standa í þeirri meiningu að sá texti sem var settur inn í fjárlagafrv. að tillögu meiri hlutans sé samþykktur af ráðherrum ríkisstjórnarinnar. Hann hefur verið samþykktur í hv. Alþingi og textinn er mjög skýr eins og ég las upp áðan: ,,Að gera bráðabirgðasamkomulag við Vesturbyggð um fjárhagslega fyrirgreiðslu í tengslum við fyrirhuguð kaup ríkisins á eignarhluta sveitarfélagsins í Orkubúi Vestfjarða.``
Ég held ég verði að endurtaka spurninguna: Hvernig verður bráðabirgðasamkomulagi komið við þegar ekki liggur ljóst fyrir hver ætlar að kaupa hvað og hver ætlar að selja hverjum?