Ferill 226. máls. Aðrar útgáfur af skjalinu: PDF - Word Perfect.
127. löggjafarþing 2001–2002.
Þskj. 484 — 226. mál.
Svar
sjávarútvegsráðherra við fyrirspurn Gísla S. Einarssonar um heildarskuldir sjávarútvegsins.
Fyrirspurnin hljóðar svo:
1. Hverjar eru heildarskuldir sjávarútvegsins, erlendis annars vegar og innan lands hins vegar?
2. Hver hefur verið þróun eigna- og skuldastöðu íslenskra sjávarútvegsfyrirtækja sl. fjögur ár?
Í eftirfarandi töflu koma fram upplýsingar um heildarskuldir sjávarútvegsfyrirtækja bæði innan lands og erlendis auk upplýsinga um eignastöðu þessara fyrirtækja. Vísað er til neðanmálsgreina varðandi frekari skýringar á hverjum lið fyrir sig. Í aftasta dálki töflunnar koma svo fram upplýsingar um eiginfjárhlutfall greinarinnar.
Eignir, skuldir og eiginfjárhlutfall sjávarútvegsfyrirtækja í árslok 1997–2000.
(Allar upphæðir í millj. kr.)
Ár |
Eignir1 |
Skuldir innan lands | Skuldir erlendis |
Heildar- skuldir |
Eiginfjár- hlutfall |
19972 | 170.299 | 46.349 | 78.561 | 124.910 | 26,7% |
19983 | 188.995 | 45.960 | 96.446 | 142.406 | 24,7% |
19994 | 219.990 | 65.015 | 105.714 | 170.728 | 22,4% |
2000 | 255.2955 | 70.4206 | 127.6317 | 198.051 | 22,4% |
Heimild: Seðlabanki Íslands. | |||||
1 Við áætlun eigna er hvorki tekið tillit til útgáfu nýs hlutafjár né greidds arðs. | |||||
2 Upplýsingar um eignir og skuldir ársins 1997 eru úr Atvinnuvegaskýrslu Þjóðhagsstofnunar fyrir árið 1997. | |||||
3 Upplýsingar um eignir og skuldir ársins 1998 eru úr handriti Atvinnuvegaskýrslu Þjóðhagsstofnunar fyrir árið 1998. | |||||
4 Eignir og skuldir ársins 1999 eru reiknaðar út frá pöruðum samanburði skulda og eigna úrtaks sjávarútvegsfyrirtækja árin 1998 og 1999. | |||||
5 Byggt á framreikningi þar sem gert er ráð fyrir að eignir aukist á milli ára um það sem nemur aukningu skulda og hreinum hagnaði auk endurmats fastafjármuna. | |||||
6 Reiknað út frá vexti skulda sjávarútvegsins við lánakerfið. | |||||
7 Samkvæmt lánakerfisuppgjöri Seðlabanka Íslands. |