[prenta uppsett í dálka] 15. fundur, 128. lþ.
Landbúnaðarráðherra (Guðni Ágústsson) (andsvar):
Hæstv. forseti. Ég er svo heppinn að ég hef ferðast mikið um Ísland og komið víða, komið á Kárahnjúkasvæðið (Gripið fram í.) o.s.frv. Ég kann vel að lýsa fegurð Íslands og reyni að gera það upp við mig í hvert sinn þegar um framkvæmdir er að ræða hvort þær séu þess virði að fara í þær eða hvort ekki eigi að gera það. Þetta verða menn að meta.
Ég man ekki eftir einu einasta máli hér í framfaraátt á þessu kjörtímabili sem Vinstri grænir hafa stutt. Hv. þm. getur þá komið hér upp og frætt mig um það mál. Mig langar að heyra frá því.
