Guðjón A. Kristjánsson (andsvar):
Herra forseti. Ég þakka fjmrh. kærlega fyrir svörin. Ég vona að hann eigi þau á minnisblaði þannig að við fáum að sjá þau sem gagn í málinu ellegar getum við náttúrlega auðveldlega fundið þau í ræðu hans. Þetta segir þá að u.þ.b. helmingurinn af þeim 30 milljörðum sem erlendar skuldir lækka hafi verið lækkun vegna gengishreyfinga, ef ég skil svarið rétt.