Össur Skarphéðinsson (andsvar):
Hæstv. forseti. Ég verð þakka hæstv. félmrh. fyrir að hafa varpað svolitlu ljósi á þetta sérkennilega mál. Spurning mín til hæstv. félmrh. var hins vegar tvíþætt.
Í fyrsta lagi: Hvað bar í milli? Hæstv. ráðherra hefur með sínum hætti reynt að varpa ljósi á það. Ég verð að viðurkenna að það var ekki algjörlega skýrt í mínum huga. Látum það vera.
Hinn þáttur spurningar minnar var þessi: Var það hæstv. fjmrh. sem ekki gat fallist á að þeir samningar sem höfðu tekist um þetta atriði á almenna vinnumarkaðnum yrðu notaðir sem forskrift að niðurstöðu í samningum milli ríkisins og þeirra starfsmanna sem hér eiga hlut að máli?