Guðjón Hjörleifsson (andsvar):
Virðulegi forseti. Hv. þm. Magnús Þór Hafsteinsson spyr hvað ég væri að meina með sátt við fiskveiðistjórnarkerfið. Ég segi: Ég vil fá að sjá alla í aflamarkskerfinu. Það er ekki flókið.
Þú sagðir að komið hefðu góðar umsagnir um frumvarp ykkar. Það var mjög einfalt. Þar var bara valkostur um 23 daga. Núna eru tveir valkostir í þessu frumvarpi. Hv. þm. Magnús Þór Hafsteinsson segir að allir vilji þetta. Þá segi ég: Eigum við þá ekki bara að una niðurstöðu þeirra aðila sem eru í kerfinu? Þeir kjósa um það. Það getur vel verið að það komi aðrar umsagnir þegar reynir á mennina sjálfa. Landssambandið er kannski á móti þessu og hefur tilkynnt okkur það. En það er 292 aðilar í þessu kerfi. Erum við bara ekki sammála um það, ég og þú, að ef meiri hlutinn kýs (Forseti hringir.) þá unum við þeirri niðurstöðu?
(Forseti (ÞBack): Forseti vill áminna hv. þingmann og þingmenn um að ávarpa forseta en ekki hverjir aðra í þingsal.)
Já.