Mörður Árnason (um fundarstjórn):
Forseti. Það er auðvitað þannig að þegar menn taka hér til máls um störf þingsins gera þeir það í fullum rétti. Ég hef ekki í annan tíma heyrt umræðu um störf þingsins sem er einmitt um störf þingsins og það sem mér finnst að forseti eigi að gera í staðinn fyrir að tefja menn í alvarlegri og einbeittri umræðu er að taka þátt í henni sjálfur og skýra að sínu leyti hvað honum finnst um svona vinnubrögð Alþingis sem hann stjórnar.