Aðrar útgáfur af skjalinu: PDF - Word Perfect. Ferill 376. máls.
138. löggjafarþing 2009–2010.
Þskj. 989 — 376. mál.
félags- og tryggingamálaráðherra við fyrirspurn Gunnars Braga Sveinssonar um fjölgun hjúkrunarrýma í Norðvesturkjördæmi.
Fyrirspurnin hljóðar svo:
Hvaða áform eru um fjölgun hjúkrunarrýma í Norðvesturkjördæmi?
Í Norðvesturkjördæmi eru hjúkrunarrými á eftirtöldum stöðum:
Heildarfjöldi hjúkrunarrýma á öllu landinu er 2.518 rými og af þeim eru 360 rými í Norðvesturkjördæmi, þ.m.t. Fellsendi sem hefur 26 hjúkrunarrými en þau rými eru mjög sérhæfð og ætluð geðsjúkum einstaklingum. Sé sú tala dregin frá standa eftir 334 hjúkrunarrými.
Á árinu 2008 þegar undirbúin var framkvæmdaáætlun um fjölgun hjúkrunarrýma og fækkun fjölbýla var gerð þarfagreining fyrir landið í heild og var gengið út frá fjölda aldraðra í hverju sveitarfélagi og aldursskiptingu þeirra. Miðað við þá þarfagreiningu ætti heildarfjöldi hjúkrunarrýma í Norðvesturkjördæmi að vera 282 hjúkrunarrými fyrir aldraða og um 5–7% til viðbótar ef yngri hjúkrunarsjúklingar eru taldir með eða um 300 rými.
Í fjárlögum 2009 og 2010 er ekki gert ráð fyrir nýjum rekstrarheimildum fyrir hjúkrunarrými. Ekki verður heldur séð að svo verði í fjárlögum fyrir árið 2011 og því ekki um neina raunfjölgun hjúkrunarrýma að ræða á næstunni. Hins vegar vinnur félags- og tryggingamálaráðuneytið nú að því að flytja rekstrarheimildir milli svæða og stofnana miðað við það hvar þörfin er mest á landinu.
Þótt hjúkrunarrýmum á landinu muni hvorki fjölga á þessu ári né trúlega því næsta er samt unnið að því að bæta aðstöðu á hjúkrunarheimilum. Má meðal annars nefna að nú er hönnun á nýju hjúkrunarheimili í Borgarnesi á lokastigi. Þegar það heimili verður risið mun aðstaða hjúkrunarsjúklinga á Dvalarheimili aldraðra í Borgarnesi verða allt önnur en nú er.
138. löggjafarþing 2009–2010.
Þskj. 989 — 376. mál.
Svar
félags- og tryggingamálaráðherra við fyrirspurn Gunnars Braga Sveinssonar um fjölgun hjúkrunarrýma í Norðvesturkjördæmi.
Fyrirspurnin hljóðar svo:
Hvaða áform eru um fjölgun hjúkrunarrýma í Norðvesturkjördæmi?
Í Norðvesturkjördæmi eru hjúkrunarrými á eftirtöldum stöðum:
Heilbrigðisstofnunin á Akranesi | 26 |
Höfði, Akranesi | 48 |
Dvalarheimilið Borgarnesi | 32 |
Jaðar, Ólafsvík | 10 |
Fellaskjól, Grundarfirði | 9 |
Dvalarheimilið Stykkishólmi | 9 |
St. Fransiskuspítali, Stykkishólmi | 9 |
Silfurtún, Búðardal | 8 |
Fellsendi, Búðardal | 26 |
Barmahlíð, Reykhólum | 14 |
Heilbrigðisstofnunin Patreksfirði | 16 |
Heilbrigðisstofnunin Ísafirði | 31 |
Heilbrigðisstofnunin Bolungarvík | 13 |
Heilbrigðisstofnunin Hólmavík | 12 |
Heilbrigðisstofnunin Hvammstanga | 24 |
Heilbrigðisstofnunin Blönduósi | 27 |
Sæborg, Skagaströnd | 5 |
Heilbrigðisstofnunin Sauðárkróki | 41 |
Heildarfjöldi hjúkrunarrýma á öllu landinu er 2.518 rými og af þeim eru 360 rými í Norðvesturkjördæmi, þ.m.t. Fellsendi sem hefur 26 hjúkrunarrými en þau rými eru mjög sérhæfð og ætluð geðsjúkum einstaklingum. Sé sú tala dregin frá standa eftir 334 hjúkrunarrými.
Á árinu 2008 þegar undirbúin var framkvæmdaáætlun um fjölgun hjúkrunarrýma og fækkun fjölbýla var gerð þarfagreining fyrir landið í heild og var gengið út frá fjölda aldraðra í hverju sveitarfélagi og aldursskiptingu þeirra. Miðað við þá þarfagreiningu ætti heildarfjöldi hjúkrunarrýma í Norðvesturkjördæmi að vera 282 hjúkrunarrými fyrir aldraða og um 5–7% til viðbótar ef yngri hjúkrunarsjúklingar eru taldir með eða um 300 rými.
Í fjárlögum 2009 og 2010 er ekki gert ráð fyrir nýjum rekstrarheimildum fyrir hjúkrunarrými. Ekki verður heldur séð að svo verði í fjárlögum fyrir árið 2011 og því ekki um neina raunfjölgun hjúkrunarrýma að ræða á næstunni. Hins vegar vinnur félags- og tryggingamálaráðuneytið nú að því að flytja rekstrarheimildir milli svæða og stofnana miðað við það hvar þörfin er mest á landinu.
Þótt hjúkrunarrýmum á landinu muni hvorki fjölga á þessu ári né trúlega því næsta er samt unnið að því að bæta aðstöðu á hjúkrunarheimilum. Má meðal annars nefna að nú er hönnun á nýju hjúkrunarheimili í Borgarnesi á lokastigi. Þegar það heimili verður risið mun aðstaða hjúkrunarsjúklinga á Dvalarheimili aldraðra í Borgarnesi verða allt önnur en nú er.