Aðrar útgáfur af skjalinu: PDF - Word Perfect. Ferill 889. máls.
139. löggjafarþing 2010–2011.
Þskj. 1750 — 889. mál.
um breytingu á lögum um gjaldeyrismál og tollalögum, með síðari breytingum.
Í frumvarpinu er lagt til að heimild bráðabirgðaákvæða laga um gjaldeyrismál verði framlengd til 30. september 2011. Þar er Seðlabanka Íslands veitt tímabundin heimild til að setja reglur, með samþykki efnahags- og viðskiptaráðherra, til að takmarka eða stöðva tímabundið tiltekna flokka fjármagnshreyfinga og gjaldeyrisviðskipti vegna þeirra. Að óbreyttu rennur heimildin út 31. ágúst nk. en sú dagsetning tekur mið af lengd efnahagsáætlunar Íslands í samstarfi við Alþjóðagjaldeyrissjóðinn.
Frumvarpið er lagt fram að undangenginni umfjöllun efnahags- og skattanefndar um frumvarp efnahags- og viðskiptaráðherra (þskj. 1612, 788. mál) þar sem lagt er til að reglur sem settar hafa verið á grundvelli ákvæðis til bráðabirgða I í lögum um gjaldeyrismál verði lögfestar með hliðsjón af áætlun um losun gjaldeyrishafta fyrir 31. desember 2015. Umfjöllun um málið hefur verið frestað að sinni í ljósi samkomulags þingflokka um þingfrestun og er stefnt á afgreiðslu þess í september nk. Ekki er búist við að höftin falli brott 30. september 2011.
Efnahags- og skattanefnd mun áður en nefndafundir og þingfundir hefjast í september óska eftir lagalegri og hagfræðilegri úttekt á frumvarpi ráðherra og einstökum greinum þess. Meta þarf hvort lögfesting þess veiti Seðlabanka Íslands nægilegan sveigjanleika til að bregðast skjótt við leka í gjaldeyrishöftum samhliða losun þeirra samkvæmt áætluninni. Þá þarf að meta nauðsyn slíkrar lagasetningar með tilliti til væntinga markaðarins um afnám hafta og trúverðugleika áætlunarinnar.
139. löggjafarþing 2010–2011.
Þskj. 1750 — 889. mál.
Frumvarp til laga
um breytingu á lögum um gjaldeyrismál og tollalögum, með síðari breytingum.
Frá efnahags- og skattanefnd.
I. KAFLI
Breyting á lögum um gjaldeyrismál, nr. 87/1992, með síðari breytingum.
1. gr.
II. KAFLI
Breyting á tollalögum, nr. 88/2005, með síðari breytingum.
2. gr.
Í stað dagsetningarinnar „31. ágúst 2011“ í ákvæði til bráðabirgða IV í lögunum kemur: 30. september 2011.3. gr.
Lög þessi öðlast þegar gildi.Greinargerð.
Í frumvarpinu er lagt til að heimild bráðabirgðaákvæða laga um gjaldeyrismál verði framlengd til 30. september 2011. Þar er Seðlabanka Íslands veitt tímabundin heimild til að setja reglur, með samþykki efnahags- og viðskiptaráðherra, til að takmarka eða stöðva tímabundið tiltekna flokka fjármagnshreyfinga og gjaldeyrisviðskipti vegna þeirra. Að óbreyttu rennur heimildin út 31. ágúst nk. en sú dagsetning tekur mið af lengd efnahagsáætlunar Íslands í samstarfi við Alþjóðagjaldeyrissjóðinn.
Frumvarpið er lagt fram að undangenginni umfjöllun efnahags- og skattanefndar um frumvarp efnahags- og viðskiptaráðherra (þskj. 1612, 788. mál) þar sem lagt er til að reglur sem settar hafa verið á grundvelli ákvæðis til bráðabirgða I í lögum um gjaldeyrismál verði lögfestar með hliðsjón af áætlun um losun gjaldeyrishafta fyrir 31. desember 2015. Umfjöllun um málið hefur verið frestað að sinni í ljósi samkomulags þingflokka um þingfrestun og er stefnt á afgreiðslu þess í september nk. Ekki er búist við að höftin falli brott 30. september 2011.
Efnahags- og skattanefnd mun áður en nefndafundir og þingfundir hefjast í september óska eftir lagalegri og hagfræðilegri úttekt á frumvarpi ráðherra og einstökum greinum þess. Meta þarf hvort lögfesting þess veiti Seðlabanka Íslands nægilegan sveigjanleika til að bregðast skjótt við leka í gjaldeyrishöftum samhliða losun þeirra samkvæmt áætluninni. Þá þarf að meta nauðsyn slíkrar lagasetningar með tilliti til væntinga markaðarins um afnám hafta og trúverðugleika áætlunarinnar.