Ferill 2. máls. Aðrar útgáfur af skjalinu: PDF - Word Perfect.
144. löggjafarþing 2014–2015.
Þingskjal 763 — 2. mál.
3. umræða.
Breytingartillaga
við frumvarp til laga um breytingu á lögum nr. 50/1988, um virðisaukaskatt,
brottfall laga nr. 97/1987, um vörugjald, og breytingu á lögum nr. 90/2003,
um tekjuskatt, með síðari breytingum (kerfisbreyting á virðisaukaskatti,
brottfall laga og hækkun barnabóta).
Frá Helga Hjörvar, Steingrími J. Sigfússyni og Guðmundi Steingrímssyni.
1. 2. gr. orðist svo:
Eftirfarandi breytingar verða á lögum nr. 97/1987, um vörugjald, með síðari breytingum:
a. Í stað orðsins „vörugjald“ í 1. gr. laganna og hvarvetna annars staðar í lögunum kemur, í viðeigandi beygingarfalli: sykurgjald.
b. 1. mgr. 3. gr. laganna orðast svo:
Sykurgjald skal reiknað sem tiltekin fjárhæð fyrir hvert kílógramm eða hvern lítra af gjaldskyldri vöru.
c. 4. mgr. 3. gr. laganna fellur brott.
d. Í stað orðanna „Þrátt fyrir ákvæði þessarar greinar um útreikning vörugjalds getur tollstjóri“ í 1. málsl. 5. mgr. 3. gr. laganna kemur: Tollstjóri getur.
e. Í stað orðsins „vörugjaldsskýrslu“ í 5. mgr. 3. gr. laganna og hvarvetna annars staðar í lögunum kemur, í viðeigandi beygingarfalli: sykurgjaldsskýrslu.
f. Í stað orðsins „vörugjaldsskyldar“ í 1. tölul. 1. mgr. 4. gr. laganna og hvarvetna annars staðar í lögunum kemur, í viðeigandi beygingarfalli: sykurgjaldsskyldar.
g. 6. gr. laganna fellur brott.
h. 7. gr. laganna fellur brott.
i. Lokamálsliður 4. mgr. 10. gr. laganna fellur brott.
j. Í stað orðsins „ríkistollanefndar“ í 2. mgr. 11. gr. laganna kemur: yfirskattanefndar.
k. Heiti laganna verður: Lög um sykurgjald.
2. Fyrirsögn II. kafla verði: Breyting á lögum nr. 97/1987, um vörugjald, með síðari breytingum.
3. Fyrirsögn frumvarpsins verði: Frumvarp til laga um breytingu á lögum nr. 50/1988, um virðisaukaskatt, breytingu á lögum nr. 97/1987, um vörugjald, og breytingu á lögum nr. 90/2003, um tekjuskatt, og breytingu á fleiri lögum (kerfisbreyting á virðisaukaskatti, sykurgjald og hækkun barnabóta).