Ferill 568. máls. Aðrar útgáfur af skjalinu: PDF - Word Perfect.
149. löggjafarþing 2018–2019.
Þingskjal 956 — 568. mál.
Fyrirspurn
til dómsmálaráðherra um nauðungarvistun.
Frá Þórhildi Sunnu Ævarsdóttur.
1. Hversu margir hafa verið vistaðir nauðugir samkvæmt ákvörðun læknis, sbr. 2. mgr. 19. gr. lögræðislaga, síðustu tíu ár?
2. Í hve mörgum tilfellum sem vísað er til í 1. tölul. var viðkomandi vistaður nauðugur lengur en í 72 klukkustundir með samþykki sýslumanns skv. 3. mgr. 19. gr. lögræðislaga?
3. Í hve mörgum tilfellum, á framangreindu tímabili, hafa dómstólar staðfest eða fellt úr gildi ákvörðun um nauðungarvistun skv. 1. mgr. 30. gr. lögræðislaga?
Svar óskast sundurliðað eftir aldri, kyni og stofnun.
Skriflegt svar óskast.